喺年廿九車路士打和曼聯1:1場英超重創嘅車仔後衞葛特蘇馬（左），已證實係右膝十字韌帶重創，要做手術，預計要唞六個月，亦即係話今季提早收「咧」。雖然呢個對車路士、法國國家隊同蘇馬自己，都係一個壞消息，不過，難得呢名法國國腳都仲好樂觀，佢喺twitter度話：「做咗掃瞄，證實我右膝十字韌帶受傷，我將會接受手術，不過我一定會以更強嘅姿態重返球場嘅！」