年初三賀歲賽事練馬師賀賢共有八駒列陣，當中半數於上仗跑入前兩名，擺下強陣似乎有心大出擊。事實上，賀廐今季僅曾於三次賽事出馬八匹或以上，結果每次皆有頭馬，既然今次戰馬陣容強勁，當然唔可以睇小。
機會最高當然是新勝之「太陽喜喜」，此駒上仗重返田草1200米即回復表現贏馬而回，至今四戰此程仍然未逢敵手，已成為路程專家，今次等番田草1200米再上陣，賽前更由柏寶親自再試大閘仄準，動態如此積極，極有機會可以保持在1200米不敗之身。此外，「喜威威」前仗跑田草1200米打開勝利之門，上仗轉跑泥地落敗不能作準，今仗重返贏馬路程上陣，可望回復有好表現。其餘賀廐馬中，「豈等閒」、「揮闖」及「帝國之星」均剛於上仗跑第二，近況不用懷疑，應是配合馬房攻勢而來，同樣有優先留意必要。