漢諾威（紅衫）三個年輕球員竟然想走去打劫賭場，但未行到門口就事情敗露，真係唔知好嬲定好笑。兩個18歲同一個19歲嘅漢諾威小將合謀，搵定假車牌、面具、手槍等裝備，以為佢哋準備充足去打劫賭場啦，點知泊咗架車喺禁區，一落車就被差佬問話；而佢哋三個又心虛喎，咩都爆晒出嚟。警方話，唔單止會告佢哋意圖行劫，仲會告埋造假車牌。至於漢諾威方面就話，呢件事超越咗球會嘅道德原則，呢三名球員都會被停賽。