今年農曆新年氣氛唔錯，估計大家都發大財了！
不過跟據以往多年慣例，好多舖頭都會在初一至初三休息；當中尤以深水埗為甚，基本以高登與黃金為首的幾大電腦及電子產品商場，都要到初四先開舖，令大家逛街消費的意慾大大降低！早兩年前還有所謂的「桂林夜市」！亦即在黃金商場的桂林街一帶，會出現好多地攤檔，不過由於屬非法性質，再加小販管理隊在農曆年期間的努力不懈，這個農曆年期間的「香港奇景」，都已經消失了。
其實好多人都未必知，原來農曆新年期間，旺角的先達是冇休市的，平均每年都有十間八間會由初一開始，一直開舖為大家服務。不過留意的是這類店舖，以維修及售賣手機配件為主，所以如果大家咁唔好彩，在新年期間手機「落地開花、富貴榮華」？仍可以到先達找維修店進行急救。但大家必需注意，先達這類新年店，平均開門時間會在中午12時後，而賣手機的店舖，好多開門不超過下午3至4點，有的甚至賣一部機、開一張單，攞個「彩頭」就收工大吉，所以如果有心整機、買機，一定要鎖定中午12至下午4點這段時間。
記者、攝影：朱崇德