第三輯十二生肖女郎由肖龍、蛇、馬、羊的四位美女向《蘋果》讀者拜年，去年推出噴血寫真的小龍女羅霖，新年繼續性感惹火，一向樂觀的她對於生肖運程自言不會太上心，她說：「其實好多嘢都係掌握喺自己手，如果唔努力，運程書點講都冇用，相反唔好嘅就更加要努力，出嚟效果唔好都無悔。」
馬女黃芷晴今年驛馬星動，適宜多外出走走，去年跟拍拖4年男友分手，情傷已過，芷晴準備再重新出發，她說：「我ready，都要等緣份到慢慢唔急，好彩阿爸阿媽又冇問我，擇偶條件？頂得順我，講笑咋！有禮貌，有愛心，加分㗎！最好鍾意屋企人，我屋企人鍾意佢，有冇錢冇所謂，可以一齊捱，我可以食麥當勞㗎！」
關心妍開心迎猴B
人妻關心妍將於猴年生馬騮B：「終於等到一個生肖係成家人都冇，我諗注定係今年啦，哈哈，我同老公都好靜，有蹦蹦跳馬騮會活潑啲，不過我應該畀人蝦死，因為我屬羊最腍善。」肖羊今年有財來財去之象，關心妍笑說：「今年唔投資，羊年冇蝕好感恩，賺到6位數擺喺慈善基金幫香港學生去外國讀書。」
肖蛇的林芊妤（Coffee）前年因禍得福，因為「廁格gathering」工作卻接踵而來。不過，新一年Coffee仍表示希望賺多點錢：「因為要幫屋企供樓，所以希望搵多啲，今年會再讀書增值自己。」今年26歲的Coffee，自爆有相士曾指她26至31歲會有結婚機會，自言仍是單身的她表示有對象的話不排除閃婚兼生B。
【龍】精虎猛：羅霖
【財運】上半年有機會賺一筆，但下半年就要守吓
【感情】有機會結識好多異性，但真正姻緣可能年尾出現
【健康】沒有大礙，主要注意飲食就可以
【事業】勤力上進必定有回報，開創事業都有機會得到可觀收益，適合多元化發展
記者：小米
攝影：林德雄
化妝：Peggy Tsui
髮型：Jay Cheung
場地提供：habitat
【馬】到功成：黃芷晴
【財運】正財尚可，橫財真的不宜沾手，有失財機會
【感情】上半年進展不錯，可多參與喜慶事沖喜
【健康】精神體力或有不足，要注意飲食
【事業】工作較忙碌，自僱人士會多勞多得，打工仔都可能有特別花紅
記者：楊潔雯
攝影：林德雄
化妝及髮型：moe Lo
服裝提供：ZALORA
【蛇】舞吉祥：Coffee
【財運】多勞多得，起落較大，要小心年中有機會破財
【感情】蛇仔小心勿流連煙花地，可能有第三者出現
【健康】小心注意免生意外，其餘大致健康良好
【事業】有女貴人相助，可以大展拳腳，下半年會更好
記者：小米
攝影：沈健程
羊【羊】得意：關心妍
【財運】會有財來財去之象，所以要留意審慎投資
【感情】可能會有變動，萬事以和為貴自然能長久
【健康】只是小病纏身，未有太大問題
【事業】可以全力進攻，開展業務，要與拍檔建立好關係
記者：皓騫
攝影：陳慧安
化妝：Cyrus Lee
髮型：Angus@hip hair
服裝提供：MOISELLE
