今日年初二是車公誕，鄉議局主席劉皇發每年都會為香港前景求籤，去年憑一首900蚊廉價MV《Sugar Baby》於網絡爆紅的FFx都想幫自己組合問前程。穿得一身紅噹噹的FFx日前去蠔涌車公廟拜神，心誠則靈，成功求得兩支上籤，有望猴年衝出香港！
女子組合FFx乘年氣勢，踏入猴年即推出新歌《MKpop》，日前她們到蠔涌車公廟拜神祈福，並派出周葆諭（Christy）和楊澤怡（Shirley）做代表求籤。Christy誠心閉目跪地，希望新歌點擊率創新高，但第一次求籤表現「論盡」，猛力搖到竹籤散落一地，她忍不住尷尬儍笑，幸第二次搖出二號上籤；而Shirley亦為FFx的粉絲支持度求得六十七號上籤，眾姊妹拍手歡呼，齊聲嗌：「Yeah！」Christy直言大壓力：「都幾擔心，因為係幫全隊人求，個心不斷諗猴年新歌點擊率要好。」潘穎琳（Mizaki）的目標遠大，她說：「《Sugar Baby》累積點擊已經有300萬，希望新歌能夠double有600萬！」而李詩詠（Ceci）則說：「希望新一年啲負評可以變晒正評，相信FFx係可以繼續進步同得到更多人認同。」
粉絲吶喊助威
有20年解籤經驗的曾仲正居士見到兩支上籤，即時替FFx高興說：「恭喜，第二號係上籤，『指日神明實報君 果然一試受皇恩』即係話你哋嘅付出連皇帝都欣賞，新一年有可能衝出香港至亞洲其他地區，或被貴人賞識，落本栽培你哋。另一支六十七籤都係上簽，新歌同粉絲都『排兵擺陣』咁受歡迎，好多人會為你哋吶喊助威，可以食住個勢繼續努力。」
採訪：嵐山
攝影：沈健程