阿仙奴喺羊年最後一場終於重開聯賽勝門，憑奧斯爾同阿歷士張伯倫入波作客贏般尼茅夫2:0，事隔一個月終於再次喺聯賽全取三分，家陣仲喺英超以25戰得48分升番上第三位，五分落後榜首李斯特城，保持爭標希望。另外，由於佢哋怕陣中嘅智利神鋒阿歷斯山齊士會俾人撬走，所以有傳計劃向山神開出一份總值5,150萬鎊（約5.8億港元）嘅五年半新約，除番每個禮拜嘅人工高達18萬鎊（約203萬港元），令佢得以同陣中嘅德國中場奧斯爾睇齊，成為兵工廠現時人工最高嘅球員。