周日法甲聯賽，巴黎聖日耳門（PSG、藍衫）靠伊巴謙莫域一射一傳，作客2:1擊敗馬賽，繼續喺榜首遙遙領先24分。呢場波正選同後備都唔見阿根廷前鋒拿維斯，原來佢離別在即，據報已經決定咗轉投中超球會上海申花，到時年薪有成1,000萬歐元（約8,700萬港元）。
今季拿維斯喺PSG長居後備，入波又少，難怪據講佢之所以決定去中超，係覺得去到嗰邊可以入選阿根廷國家隊嘅機會仲大過留喺PSG。
