卓能集團主席趙世曾大女趙式芝，近年逐步接掌家族生意，雖然集團淡出香港市場，近年賣樓數量寥寥可數，但仍親力親為執行其父的大計。
卓能去年發售發展了接近十年的荃灣壹號九龍山頂，趙式芝一直對外擔任「揸盤人」的角色，無論開放示範單位、開價及開售當日都在場打點。不過，趙式芝笑稱，目前在集團只作為一個執行人角色，「唔係淨係投地，所有嘢都係由趙主席去操控、去拍板，我做左右手負責做嘢，佢無論精神上、健康上都好sharp」。
由於集團早前於深圳的樓盤銷售理想，開售個半月已套現約15億港元，反而壹號九龍山頂開售一年只套逾億元。
趙式芝對香港住宅保值有信心，集團不急於套現，會用隨遇而安心態賣樓，不會再降價，「如果買家要觀望亦冇所謂」。至於長洲新趙苑雖然已落成，但今年內都不會賣。
趙式芝又補充，未來發展重心將轉到中國內地，因為內地機會及商機都比香港多，香港較難發展有規模的項目，而且政府推出多項辣招，亦明顯影響市場的自由度。