十二生肖女郎今日輪到鼠、牛、虎、兔四個生肖，原來牛女周秀娜今年大利姻緣，她雖然不迷信，但獲悉猴年感情上有新轉機即瞪大眼說：「今年幾想拍拖，希望搵到夾嘅另一半。」娜姐表示再揀男友，一定會待感情穩定才公開，即使現在有裙下之臣，但娜姐堅決不肯洩露誰較有機會：「唔好講有幾多個，總之有啲幾好，我唔畀得貼士，怕講咗有啲朋友都冇得做。」
鄭融唔急結婚
身形嬌小、肖鼠的鄭融今年運程有利有弊，鄭融笑指自己不迷信，但聽到今年有橫財運即表示可小賭怡情。她與外籍男友拍拖近五年，有指姻緣會更進一步，她反問：「促成結婚好事近？我同男友暫時都未有呢個感覺住，呢啲唔逼得，逼逼吓可能會走。我媽媽有同男友講笑快啲娶咗我，唔好搞住晒。」
今年29歲的顏子菲生肖屬虎，仍是單身的子菲笑說：「前年有個相士話我29歲會有幾好嘅姻緣，我3月生日就30歲，即係仲有兩個月時間，唔知實唔實現到。」不過子菲要求極高，希望另一半有顏爸爸6呎高兼全能運動員的優點，她說：「我成日笑媽咪好lucky，好似將我嘅姻緣運都攞晒。」
兔女唐紫睿（Hazel）來年桃花旺，去年Hazel參加女子MMA真人騷，結果打出一條生路，由性感女星轉型做一個武打演員，Hazel開心迎接猴年，她說：「新一年新開始，未來公司有新安排畀我，可以轉型做打女喇！用另一個形象示人，今年希望年頭快啲完成個賽事，可以專心鑽研吓演戲。」
【牛】來運轉：周秀娜
【財運】今年財運唔錯，正財同橫財都有利，甚至有機會中獎
【感情】人緣會有改善，但要小心唔好太易信人，如果感情去年有變，今年會有新轉機
【健康】身體抵抗力較差，會多病痛
【事業】今年要記住忍耐，即使工作順利亦要收斂，有機會轉工及創業
記者：比華利
攝影：林德雄
服裝提供：JOURDEN
場地提供：FOVEA
福【鼠】臨門：鄭融
【財運】橫財會較正財佳，但要小心投資
【感情】大利感情事，已婚者會更上一層樓，未婚者亦有所增進
【健康】小病在所難免，女士要留意婦女病，男士就小心有水險
【事業】今年都有升遷，但要小心不宜遠赴外地工作
記者：卓寶花
攝影：陳志嵐
場地提供：Day Off Cafe
【兔】氣揚眉：Hazel
【財運】女性會較易發財，男性就要小心高風險
【感情】今年人緣會比較旺，單身兔仔兔女有機會覓得有緣人，不過都要小心遭人陷害
【健康】要注意身體，小心腸胃
【事業】會有少少阻滯，但就適宜創業，就算係打工都會喺今年有出人頭地嘅機會
記者：楊潔雯
攝影：林德雄
飾物：noveltylane.com
虎【虎】生威：顏子菲
【財運】要小心理財，量入為出，因為今年有破財危機
【感情】桃花旺盛，會有好多機會結識異性，但同時又會招惹是非
【健康】不要讓自己有太大壓力，以免精神緊張，可出門散心化解
【事業】波動會較大，但凡事向好方向想，為未來多籌謀
記者：小米
攝影：陳順禎
髮型：Van Chan @ BrunBlonde Grand Hyatt
場地提供：Habitat
