「媾女王」崔建邦與Mandy Lieu師妹陳嘉莉（Kelly）甩拖，更有指他搭上林珊珊細女李怡外，更指他疑涉打女友。「復牌」後的Kelly前晚被讀者陳小姐透過本報「爆相爆片」報料，發現她與男伴到銅鑼灣耀華街夜蒲酒吧，陳小姐表示：「大概12點左右，佢同五、六個男仔一齊，成班玩遊戲輸咗要玩罰飲酒，成張枱只有Kelly一個女仔，佢全晚同旁邊男仔糖黐豆咁。」
記者就此事問Kelly是否有新戀情，她透過模特兒公司表示：「同七、八個朋友食團年飯，之後一齊去咗飲嘢，嗰個係其中一位朋友，唔係男朋友，我哋一班朋友好close，大時大節都有聚會。」Kelly補充：「哈哈……如果拍拖我都唔會着到咁sporty啦，最近都唔會諗拍拖，工作為先啦。」
採訪：唐如