摩連奴終於打破沉默，話好快就會重返足球圈！唔經唔覺摩佬已被車仔炒咗六個禮拜，而最近就盛傳佢下季會執教曼聯，但佢就一直冇表態。日前摩佬喺一個汽車推廣活動上打破沉默：「我並唔享受賦閒在家，我需要重返球壇先會如魚得水；其實我一直喺度學習，雖然啲人覺得我囂，但我不知幾謙虛。」另外，摩佬又同副手費利拿喺上周六入場睇多蒙特作客哈化柏林嘅德甲聯賽，唔通真係好事近？