拜仁慕尼黑喺上周六德甲失分，作客出戰利華古遜0:0和局收場。呢場波亦係拜仁慕尼黑喺主帥哥迪奧拿確定喺下季會過檔曼城之後嘅首場比賽，結果表現認真麻麻，下半場換入湯馬士梅拿都冇乜幫助。拜仁聯賽四連勝斷纜，由於次席嘅多蒙特一樣喺上周六和局失分，前者繼續喺榜首領先八分，但對於拜仁嘅捧場客嚟講就繼續失望，因為拜仁已連續七場德甲「讓球主客和」贏唔到盤。