大掃除，用碌柚拜神又抹屋，整間屋通爽光明去霉氣，爽晒！碌柚葉裏有類黃酮，可幫助血管擴張、血氣運行 、舒筋活絡。
古時的人卧床不起，會買碌柚葉沖涼，發現沖完血氣通暢了又精神了，碌柚葉變成去霉氣聖品，運濟轉運或作邪作鬼之時，都要佢來座陣。最後媽媽通常成株碌柚葉丟落浴缸給家人沖涼。洗了幾廿年，棵葉浸住用唔係用來拍背又唔係，查實不知點算好。 但要放出碌柚葉清香，最好方法 就係剁碎它。朋友Eric索性用來做沖涼炸彈，丟落水渣一聲，化骨池一樣起泡，沖個去霉泡泡浴。
材料：
桔仔 （適量）
桔仔皮及葉磨碎備用 有磨砂及滋潤功效
碌柚葉碎 （適量）
橙皮蓉與橙皮 （適量）
精油 （少量）
梳打粉 3份
栗粉 ２份
檸檬酸 ２份
做法：
梳打粉、栗粉及檸檬酸，邊挍拌邊混合；倒入碌柚葉碎，橙皮蓉。一邊用噴嘴，邊挍拌邊噴進精油。混合後挍拌得有點黏，即可以入模。放一天左右壓實了，拆模也不會散開。
小貼士：
部份橙皮只切碎，可有一點磨砂作用，且保留橙皮中的精油，用來更清香及滋潤。
碌柚葉我們用的話剁會比挍拌機更好，香味更濃，如果用挍判機的話葉子會太碎看不到。
