西悉尼流浪者全靠辛達利比（左二）完場前入波，先保得住一分同埋榜首。噚日澳職，坐緊榜首嘅西悉作客墨爾本勝利，貝利沙喺16分鐘幫勝利先入一球。西悉踢到89分鐘先至由辛達利比扳平，喺補時佢哋仲有艾拔圖阿古拿被罰紅牌，但好在冇再失波，作客逼和1:1！由於第二位嘅布里斯班獅吼同日以4:0大炒中岸水手，所以西悉同獅吼𠵱家同樣得34分，但西悉勝在得失球有+10，以一球之差力壓獅吼，啱啱保得住個榜首。至於獅吼大勝嗰場，入波嘅球員分別有諾夫、哥朗拿、占美麥卡倫同軒歷基安達迪；水手唔單止吞四蛋，仲有艾斯哥夫被逐，嚟緊要停賽。