皇馬嘅基斯坦奴朗拿度（C朗）喺上周五生日，為咗慶祝自己正式踏入31歲，佢就同囝囝去咗打拳，仲上載咗啲相上社交網站，又一齊食大蛋糕（圖），而皇馬亦都有喺twitter同呢位葡萄牙球星講聲生日快樂。而二月五號對足球界嚟講，似乎係個特別嘅日子，因為另一隊西甲勁旅嘅巴西球星尼馬，亦都喺同一日迎接24歲生日；佢嘅隊友拉芬拿艾簡達拿仲搵咗嚿蛋糕掟向佢塊面，用呢個特別嘅方法同佢慶生㖭。
