唔經唔覺，今日已經去到年廿八，大家都要開始為過農曆新年而張羅！去拜年時除咗要為親朋帶來最真摰祝福外，如果家中有老人家剛用智能手機，可能都要諗諗幫佢添置個隨身電源，須知拜年、打牌、周圍走，隨時用到手機冇電就唔好啦！
ASUS ZenPower剛做落價，佢標榜機面尺寸只如一張信用卡的大小，但厚度會稍高，同小米電池差不多，電量是高容量級的10,050mAh，幫一般3,000mAh的手機充電2.5次，應該不是大問題，留意點是它有粉紅、黃及藍三色，唯獨銀色版會是9,600mAh；一般街價開$198，現在均一價$150買到。
可能你會問，功能、尺寸與小米差唔多，點解要買佢？老實！ASUS在市場上相對冇假電池出現過，而且大牌子出品，相對好多不知名的牌子，會用得放心好多，加上價錢唔算高，可以一諗。
查詢：流動帝國（旺角先達廣場地下G67A號舖）
記者：朱崇德