【本報訊】 正所謂「無雞不成宴」，更何況是團年飯及開年飯，加上中國人鍾情食活雞，熟客早已預訂活雞過節。但如何揀到一隻靚雞過年呢？有20多年賣雞經驗的九龍城街市周華記雞檔老闆玲姐，便教大家幾招揀雞技巧。
毛色是顯示雞隻是否健康的重要標誌，一隻健康的雞，毛色必是很光亮；其次是頭冠，頭冠要色澤鮮明，夠大夠厚。
睇完毛色及雞冠後，就要反轉來睇雞屁股，「以前啲人仲會吹開雞pat pat啲毛來睇，但咁唔衞生。其實只要用手撥開啲毛就可以睇到好清楚」。玲姐解釋，從雞屁股可以看到雞隻本身是白油還是黃油，亦有人認為雞的肛門闊大，生蛋多，就是老雞。「雞嘅肛門細，就表示未生過蛋，即係呢隻雞嫩口啲！」
若要確定所揀雞隻是白油還是黃油？可以再睇雞翼下、近雞胸位置的皮層。玲姐指出，此位置可以清晰睇到雞隻皮下是黃油還是白油；再用手捏下雞胸，如果肉厚結實就是一隻靚雞了！