眼見農曆新年就快到，羅馬為咗討好強國嘅球迷，竟然出咗一件心口印住「金猴報喜」嘅波衫。佢哋會喺當周日場意甲，主場迎戰森多利亞場波着呢件特別版波衫比賽，向班球迷拜年；而場波喺香港時間嘅周一凌晨開波，即係已經係大年初一，夠晒應景。而喺上月新加盟嘅射手艾沙拉維就唔好彩喇，要率先着起呢件特別版波衫，學講普通話拍片冧球迷，可能連佢自己都唔知自己講咗乜嘢。