強國除咗狂簽歐洲球壇嘅一線球星之外，連阿仙奴都買埋。睇真啲，呢個「阿仙奴」唔係真係英超嗰隊阿仙奴，而係一間叫「阿鮮爐」嘅海鮮酒家（下圖），只係個名嘅廣東話發音同阿仙奴一樣箒。唔知佢哋老板係唔係阿仙奴粉絲，所以專登將間酒樓改做「阿鮮爐」呢？
講開阿仙奴，佢哋出名多傷兵，剛剛復出嘅路斯基又傷過，仲要唞成三個月咁耐，但佢地居然仲唔識死，計劃喺今夏收購因傷而缺席咗81場比賽嘅利物浦前鋒史杜列治。另外，阿仙奴嘅U16（上圖紅衫）認真唔爭氣，日前喺比賽輸畀基特寧3:13，唔知領隊雲格會唔會捉領隊比文同埋球員去照肺呢？