繼「現在台」早前攞番12年前「足金X猴」事件自抽一番後，香港足總為咗宣傳賀歲盃，又搵金猴嚟搞，搞咗個「賀年送金猴有獎問答遊戲」。不過今次就冇大哥瑜份，由足總體能教練Mr. Mathew Pears（左）拍住曾偉忠玩遊戲，球迷先要答條簡單問題，再上載一張最具「瘋格」嘅相，就有機會贏得扮足金金猴公仔一個同賀歲盃門票兩張。搞笑得嚟都幾有心思，想玩嘅球迷快啲去足總facebook喇！