為咗阿爺至愛嘅「一帶一路」，特首梁振英率領40人商務代表團去咗印度，呢兩日喺孟買展開訪問，噚日到咗孟買證券交易所出席敲鐘儀式，並同馬哈拉施特拉邦邦長拉奧會面，喺貿發局舉辦嘅商務午餐會上發表主題演講。
據知CY到訪孟買證券交易所期間好hyper，一度捉住現場銅牛雕像（Bronze Bull）嘅角（圖），笑騎騎畀傳媒影相，唔知係咪想透過摸一摸牛角，帶動香港股市回升唔好下挫？
CY喺當地會見傳媒時提到，港、印貿易關係密切，2014年貿易增長達12%。佢其後已經轉往新德里，今日最後一日行程將會見印度財政部長同外長，出席商界午餐會兼參觀印度理工學院德里分校。