「五億駙馬」黎諾懿前年娶咗有米女友李潔瑩(Nicole),女方外家係做美容生意,身家過億,未嫁前同父母住君頤峰豪宅,但同黎諾懿結婚後,就住700呎西貢村屋。昨日有報道指黎諾懿獲老婆外家照顧,送價值4千萬嘅西半山豪宅畀佢哋兩公婆住,最快2018年可以入住。對於呢件事,黎諾懿直認不諱,佢話自己的確有同老婆仲有外父外母去睇樓,仲幾啱心水,但佢冇認到係外父外母送樓畀佢哋做愛巢,只係話投資,仲話會等樓價低啲先入巿。