求驗客手記：「膠袋美斯」着真衫等見偶像

因為一件膠袋美斯波衫而紅遍網絡嘅艾馬迪終於着到件真衫喇！前兩日五歲嘅艾馬迪獲邀同一班阿富汗國腳踢波，足總仲送咗件美斯嘅巴塞隆拿波衫畀佢，等佢可以着住嚟踢，唔知佢幾時先可以真正圓夢，見到偶像美斯呢？希望阿富汗足總同巴塞快啲安排到啦。至於美斯就同佢嘅另一位粉絲、英格蘭傳奇射手連尼加拍薯片廣告。可以同美斯拍廣告，連尼加都唔介意做吓小丑；故事講美斯睇中連尼加包薯片，就搵個獎盃笠住連尼加個頭，搶走包薯片，搞到連尼加成個儍仔咁。