歐洲冬季個轉會窗明明閂咗，點解皇家馬德里有個叫ZOOLANDER嘅二號球員喺巴拿比奴球場舉衫嘅？查實皇馬冇簽新球員，只係荷李活諧星賓史迪拿去馬德里宣傳新戲《非常索凸務2》，順便入皇馬主場參觀吓，仲不忘發放笑彈，喺獎盃房同草地上做出角色個招牌嘟嘴「Blue Steel」chok樣，唔知基斯坦奴朗拿度（C朗）下次入波，會唔會用呢個樣嚟慶祝呢？講開C朗，佢早前幫法國電訊巨頭SFR拍電視廣告，個廣告仲拍到佢好型仔㖭。