維園年宵前日正式開幕，好多人呢兩日已經入去行大運，兼睇睇有乜特式賀年貨品掃吓貨，過癮兼贈興一番。就連男神王宗堯，噚日亦現身維園年宵，目擊者話，佢駐足工黨攤檔前，對「香港人，還拖」為主題嘅拖鞋、文化袋同路牌等物品好有興趣。現場有工黨中人影低男神來訪時刻，仲放上fb同大家開心share（圖）！八方問過工黨譚駿賢，佢引述當時看檔嘅同事話，男神對佢哋啲政治諷刺路牌好似幾有興趣，但唔記得對方有冇幫襯！而男神嘅facebook，就貼出佢喺《100毛》年宵攤檔前同盤菜瑩子嘅合照！