蘋果替梁政權求籤問卜，籤文顯示，來年大好。
梁凸持續激化社會矛盾，在撕裂的傷口上落毒，香港竟然還能上吉大好，的確「真．打得」！
真箇上吉與中吉？有辦睇，港鐵小股東接近百分百贊成高鐵追加撥款，似乎對一帶一路滿懷上位暴發的憧憬。受訪的歐吉桑歐家桑，語調和身體語言在在明示，他們是「搵食箒，無搞咁多嘢啦」的忠實擁躉。香港需要這類「好友」，奸到無朋友的梁凸，更需要「好友」撐場。「好友」是不用探究如何煉成的，只需要唱好、落疊，就算好友變好蟹，仍不忘睇好十年後的市場。中國好，香港吉，一帶一路，其實就是指阿爺帶孫，食住上，代代相傳，點會下下籤？
至於「好友」對沖，就是那些冒住寒雨衝去沙宣道將堂堂校委主席逼到借後門遁、大媽毒罵「大公司唔請」「返唔到大陸見工」的學生仔。學生仔毫無疑問是校委會的淡友，睇穿主席表面風光內裏窮措大，所以堅持short！梁凸在這場風暴中，老早保了本唔會輸，沽注一擲而無可避免輸甩褲的，也不可能是無畏無懼青春無價的學生仔。嗯，如果你是這隻2047的小股東，打算幾時斬倉？