「紅籌之父」梁伯韜擔任主席嘅意馬國際（585）近月好多消息。公司舊年12月爆出前主席單九良失聯，要梁伯韜復任主席，梁伯韜上月底又將7.82%持股悉售予獨立第三者黃晧，新近公司宣佈搵來周星馳舊愛于文鳳擔任業務發展高級副總裁兼總經理。
44歲嘅于文鳳向來低調，佢係前熊谷組（香港）創辦人于鏡波嘅女兒，甚有乃父之風。
于文鳳出名數口精，過去15年曾任多間上市與非上市公司總經理，包括野馬國際（928）與比高集團（8220）。
今次佢去意馬，唔知係因為梁伯韜定係黃晧呢？不過，佢肯定係收人情價，公司通告話，佢簽約做兩年，每月薪金5萬大元，分分鐘佢買個手袋都唔只呢個價錢喇，仲唔係人情價！