李斯特城今季英超表現神勇，但後衞丹尼森遜就唔多掂，佢因為早前毆打前女友罪成，被罰款兼判300小時社會服務令；而佢其中一項社會服務，就係要負責娛樂及照顧一班有學習障礙嘅成年人，除咗要幫佢哋斟茶遞水，仲要好似六合彩小姐咁，喺「Bingo」遊戲嗌出中獎號碼。有關方面話希望森遜透過社會服務，知道自己有幾咁好彩，好好珍惜自己嘅前途喎。