【本報訊】大埔昨另有一宗協助尋回失蹤唐狗的好人好事。與主人「失聯」逾一星期的唐狗「樂樂」流落街頭，幸獲有「港版半澤直樹」之稱的藝人陸駿光發現，昨早將牠帶回家，再透過fb成功尋獲狗主，讓人狗重逢。
家住大美督的陸駿光稱，昨晨落街放狗時遇見一隻疑有人養的走失唐狗，將其帶返家後，再在fb幫狗狗尋主人，他在電話中說：「因為隻狗唔係平時見開嗰啲，留意咗好耐都冇主人。最初帶佢返屋企，但自己隻狗女好驚，所以就上fb幫佢搵主人，又擔心係噚晚嗰隻（多多）。」陸駿光最後帶領懷疑失狗到附近問街坊，幸一名地產經紀認得狗仔，並與狗仔主人聯絡，他說：「聽講隻狗叫樂樂，唔見咗成個禮拜，主人以為佢死咗。」對於前晚多多追車事件，陸駿光說：「真係要諗清楚先好抨擊，但嗰件事，自己都覺得有啲怪，既然係親友隻狗都應該幫佢帶返屋企。」
■記者周鳳儀