西班牙網球手拿度喺今屆澳網男單首圈爆大冷出局後，隨即要求以外卡球手身份，參加下星期開打嘅阿根廷網球公開賽，希望可以操番起個狀態，迎接今年第二個大滿貫法網。29歲嘅拿度話：「我要多謝阿根廷公開賽嘅主辦單位畀張外卡我參賽。我喺布宜諾斯艾利斯有好多美好回憶，希望可以喺呢度攞到好成績，令自己有個新開始。」雖則拿度上年只係贏咗三個雞仔賽冠軍，不過仍然係票房保證，阿根廷方面當然歡迎佢嚟玩啦。