同賭王仔何猷亨拍拖嘅陳瀅噚日喺中環孖住男神王宗堯出席啤酒活動，佢哋即場跟斟酒大師學斟啤酒，結果陳瀅完勝男神。
何家家嫂陳瀅斟酒叻，飲酒係咪一樣掂？佢好爽快答：「細個酒量好啲，舊年12月返加拿大同朋友暢飲，因為好耐冇見，飲到胃出血，當日飲sake、啤酒同燒酒，醫生話以後最好唔好飲酒，所以以後會戒。」男友何猷亨咪心痛？佢話：「屋企人肉赤啲，香港做嘢都唔會飲酒，喺放假前夕先會飲少少。」
聞頴痕「佢有手」
講到男友爛佬look，陳瀅笑住話：「當日個pizza係買畀屋企人食，佢工人放假。」之後仲幫男友口：「佢平時返工要着西裝，好formal。」咁伸手入褲又點睇？陳瀅口窒窒話：「我唔知，我唔在場。」陳瀅話平時猷亨冇咁做。咁如果有需要會唔會幫佢頴痕？佢話：「唔會，佢有手㗎！」陳瀅解釋話：「其實咁啱影到，件事誇大咗少少，角度問題。」
撰文：馮仁昭