全港15個花市由2月2日（年廿四）起正式開檔，一連七日開到年初一清晨。果籽於開巿日晨早立即撲到全港最大的維園花市現場直擊！
今年冬天比往年凍，桃花王劉海濤稱自己今年的桃花開得更靚，也比去年更耐放，預計可放至年十五至二十，不過亦因為天氣冷，很多花檔的桃花都趕不及開花，因此花價亦推貴了兩成。售賣韓國惠蘭的老闆李先生則指傳統蘭花售價偏高，所以近年開始售賣韓國惠蘭，今年來貨比去年平近三成，所以開巿第一天特別以優惠價速銷，原價$288一盆的黃色或深紅色韓國惠蘭，現售$248。
維園共448個攤位中，熟食舖王第三年由Club One以最新高價63萬投得，往年$40一隻的六頭鮑改為$30一隻的8頭鮑，新創食品則有發財好事（髮菜蠔豉）雞蛋仔和黑松露蘿蔔糕。
記者準備率先試食短評：
蠔皇鮑魚$30－約有吋半長，非常腍身。
發財好事雞蛋仔$35－吃起來有點像蠔餅，幾特別。
黑松露蘿蔔糕$35（兩件）－黑松露夠多夠香，好在不太咸。
另情侶和長者都有優惠，情侶只要答中簡單問題或完成指定動作，即有買一送一優惠；而65歲以上的長者以長者八達通購買食品，則可享有半價優惠，但同款食品最多只可買兩份。
記者：曾冠輝、容慧心、黃力
攝影：林栢鈞、陳永威