【本報訊】零售業不景，打工仔去年獲發的年終花紅都要大縮水。以珠寶商周大福為例，據悉公司將發放相當於1至3個月底薪的花紅，其中辦公室員工大部份獲取1個月花紅，較2014年平均2個月有縮減。太子珠寶鐘錶主席鄧鉅明亦指，公司去年決定派發1個月月薪花紅，較前年稍有調低；而主要管理層今年要凍薪，前線員工則可獲加薪約3%。
「內地客買嘢冇咁疏爽」
六福發言人表示，集團員工今年獲發2個月花紅，分店前線員工則為3個月。加薪方面，六福今年將加人工4%。六福執行董事黃蘭詩稱，「呢一、兩年都睇到行業幾受市況不景影響，係咪到底就估唔到。始終啲內地客少咗，就算嚟買嘢都冇咁疏爽」。
除貴價珠寶受影響，同屬自由行最愛的化妝品零售商莎莎，據了解去年向員工派發1個月花紅，水平與前年一致；加薪幅度則未有定案，視乎最後業績而定。至於主打做香港人生意的一田百貨，去年仍向員工發放約2個月花紅，水平與前年相若。
■記者鄭柏齡、江靖然