基斯坦奴朗拿度（C朗）公然違抗施丹同佩雷斯嘅「柯打」？事緣效力皇馬嘅C朗，成日飛去摩洛哥搵佢位拳手好友巴特哈利，仲搞到兩人傳出有「基情」。有見及此，據報皇馬會長佩雷斯同教練施丹就向C朗下令，要佢就算冇波踢都要留喺馬德里；但點知言猶在耳，C朗又竄咗去搵巴特哈利，慶祝佢喺禮拜日對愛斯賓奴場西甲連中三元；C朗咁唔畀面皇馬，睇嚟有手尾跟。