新年快到，又係時候舞獅舞龍舞麒麟！去年年初二沙田車公廟，新民黨主席葉劉淑儀被麒麟撞飛一幕，唔少人歷歷在目，上年就話被指不請自來，攝入鄉議局求籤大隊出事箒，今年不同往年咯，葉劉今年終於可以堂堂正正，同麒麟一齊舞住入廟！
八方問過沙田鄉事委員會主席莫錦貴，佢話已經向不同黨派要員發函邀請出席初二車公誕，其中包括葉劉淑儀，而葉劉亦回覆會出席，各界自然好期待葉劉同麒麟嘅「世紀重逢」。葉劉向傳媒表明冇有怕，唔信邪亦唔會驚，但企位當然要醒醒定定。
新民黨今年亦喺維園開檔，葉劉噚日同田二少一齊着到紅噹噹出席開幕禮（圖）。葉劉嘅新愛將、盛傳會戰新東嘅大律師容海恩，都着咗粉紅棉襖亮相撐場。