「嘩！嘩！嘩……」睇到呢位「真．男人」喺維園年宵市場即場體驗虛擬實境（VR）的反應，相信各位心入面，都會對「香港毒男」印象多一個：玩VR時會好似呢位仁兄咁大反應。唔知各位有男朋友嘅女人，會唔會覺得身邊剩係識打機同睇波嘅男人，其實都算好正常吖。
其實，科通芯城（400）旗下的智能電器銷售平台「硬蛋」，今日中午在維園舉行一場「快閃年宵」攤位展覽，短短三小時內，除了擺出磁懸浮藍牙音箱、智能手帶及枕頭等供展銷外，亦都設有一台用facebook 早年收購的Oculus虛擬實境（VR），畀玩家體驗戴住頭罩耳機，試玩過山車的場面。不過會唔會好似嗰位「真．男人」玩都咁激，真係見人見智喇。
另一方面，香港電視（1137）亦都喺維園搞年宵，除咗賣平貨，又有遊戲玩，玩只要畀68蚊就可以喺波波池入面用手撈一次，撈到幾多貨都係屬於你嘅。