政黨搞年宵攤檔嘅地方通常係維園，但經民聯卻別具一格喺旺角花墟擺檔，八方聽聞因黨內唯一直選議員梁美芬來自九龍西，故順勢向唯一議會女將送上甜頭。
經民聯檔口玩食字叫「一地兩點」，其實佢哋個檔賣乜唔重要，皆因最大賣點係政務司司長林鄭月娥過海主禮，足證政府幾咁重視。
噚日身份係署理特首嘅林鄭致辭時話，立法會去年否決政改方案，令政府好難啟動推進民主嘅工作，咁咪集中發展經濟同民生囉，又話今年有連場選舉，相信社會面對更多挑戰，仲借勢叫同場嘅民政事務局副局長許曉暉為佢寫張「政通人和」揮春（圖）。林鄭仲話留意到堪輿學家分析，自己來年運程唔多好㖭喎。