Gmail噚日公佈每月活躍用戶突破10億人次，仲喺社交網分享一條30秒動畫慶祝。
Gmail冇學Google出數學題考大家，反而分享一條純數字動畫，由「冧巴」做主角。由「0」同「1」擔大旗，再有3個逗號壓軸出場，齊齊跳番隻數字舞，非常配合「億萬感謝」（thanks a billion）嘅主題。
其實Google旗下多項服務先後衝破10億大關，包括搜尋功能、Chrome瀏覽器、Android、Google Play同YouTube等。𠵱家智能手機普及，舊年5月Google透露，75%嘅Gmail用戶習慣用手機睇電郵㖭。
咁啱噚日fb教主朱克伯格公佈好消息，話WhatsApp用戶人數又係破10億喎。