過年難得與家人聚首，想食好點，桌上總離不開鮑參肚，不過提提大家各式煮海味前的浸發過程需時，新潮海味店「好東西」老闆娘Dilys教路，浸發海參更至少需時五天，讓飲食籽馬上教你揀靚海參，買好就要即刻浸發喇！
海參營養成份拍得住人參，無論刺參或秃參都飽含蛋白質、胺基酸及微量元素，秃參更可以清血毒，大人小孩老人家都適合享用。那如何揀選靚海參？Dilys表示除了到相熟有保證的海味店選購外，最緊要選乾身：「海參中心如果潮濕，就有機會變壞且霉爛，品質自然沒那麼好，因此，挑選時不妨拿上手感覺一下是否夠乾夠硬，不會一屈便彎曲。此外，亦可嗅一嗅，靚海參會散發一陣淡淡海鮮香，而非腥味。」在選價格較高的刺參，更加要謹慎，特別留意它的針刺，越多越密為上佳，刺亦需乾身而堅挺。
選好靚海參，浸發過程亦相當重要，五天內必需反覆浸清水、煮滾及清洗，且必需緊記不能接觸任何油脂及鹽份，否則會影響浸發效果，馬上去片睇實方法，趁早浸發海參過好年！
好東西
灣仔皇后大道東131A地下
記者：黃穎妮
攝影：伍慶全