36歲香港乒乓球女將帖雅娜，噚日帶住喺匈牙利同德國攞到嘅一金一銀一銅返港，但見到佢頸上有兩撻瘀痕，佢話只係做完家傳解毒方法，大家唔使擔心喎。兩年前生完BB唐梓宸嘅阿帖話，近期成績好係全靠囝囝：「想寶寶知道我哋大人都努力緊，做個好榜樣。」阿帖喺匈牙利帶病上陣，最終贏到六年嚟首面女單金牌，現時佢世界排名26位，預計會提升，有望第四次出戰奧運：「若果我去到里約，寶寶會喺電視見到我，所以會努力爭取。」