【專題籽】拜年唔打牌　鬼佬教你玩boardgame

【專題籽：港情講趣】
拜年一怕對住姨媽姑姐你眼望我眼；二怕話題圍繞談婚論嫁。上樓cafe「空中棋園」鬼佬老闆John話，新年玩boardgame既能打破以上困境，也不怕dead air尷尬，並推介三隻簡單遊戲，好過打麻雀咁話喎。

拜年做乜好？年年都打麻雀和玩魚蝦蟹太悶了，今年不如玩boardgame啦。

記者請來一對boardgame發燒友情侶Iris及Terry試玩John的推介之選，John話新年最忌玩太複雜的boardgame，講解得耐又玩太耐，教得來可能年都拜完。他嚴選的三款遊戲都以快和好玩為主，即使屬策略性遊戲，也比一般多關卡的boardgame易上手，總之，唔使點用腦，務求大家有得玩，有得笑，熱熱鬧鬧。

1.輪流擲骰仔，每人每次擲一粒，連擲七次，每次擲骰後依心水放入方格，目的是將七粒骰仔的點數由細至大排列，越順序得分越高。

2.每局擲到第三粒骰，其他玩家可依形勢估計擲骰者能否排出由小至大的點數，以「剔」或「交叉」表達信任或不信任，估中加1分。

3.七粒骰仔必須右起點數由小至大排列，如上圖示最後一次擲骰時，若擲不到「1」、「2」、「3」或「6」，該次擲骰作廢，無分加。最後以成功順序排列的骰仔數目計分，一粒骰仔得1分，另骰仔與方格下面的圓形同色加1分，若骰仔放到規定方格外的頭尾兩格，則須減2分，如上圖示得分為8分。埋尾計數，誰最高分誰勝。