香港曼聯官方球迷會放咗張相上facebook，係一叠寫住「曼事勝意」嘅曼聯利是封（圖），圖案設計得幾靚又好意頭，有魔迷都話想要番個。不過，我求大俠溫馨提示，如果想喺年初一用呢個利是封，就記得睇實大除夕深夜、即係初一凌晨開波場車路士對曼聯。假如曼聯領隊雲高爾「財神」上身派三分畀車仔，就要諗清楚用唔用個利是封嘞；話唔定你派到畀人，人哋一句回返你：「噚晚曼聯輸波你仲派個『曼事勝意』畀我，攞景定贈興先！」