在早前的倫敦時裝周中，雖然Paul Smith只有靜態展覽，但心思卻不下於行騷形式，趁機會帶大家回到70年代，將1970年首間專門店內的佈置和裝潢重塑，希望藉此讓大家認識，或愐懷當年時裝行業的營運景象，上一堂時裝歷史課。
唔講唔知，雖然當年沒有地產霸權和劏房潮流，但首間專門店卻相當細小，只有佔地3x3米，每周亦只會營業兩天，都今時今日品牌變成一個國際潮流的先峰，業務遍及全球，可想而知Sir Paul Smith在背後花了幾多心血。而今次的專門店亦將當年店內的凌亂佈置重現大家眼前，透過如斯情景去闡述Sir Paul Smith如何從身邊事物汲取靈感，窺探他的創意腦海。當然，搞咁大陣象小不了要sell sell品牌新一季的設計，包括以阿根廷探戈而啟發色彩豐富的新袋款，Mayfair專門店外牆圖案的新皮具系列及單車運動衫上的毛頭印花設計，等大家了解下過去的同時，又一齊展望將來，相當聰明。不過，計我話最巴閉都係Sir Paul Smith竟然安排由一隻阿富汗獵犬招呼大家，事關當年他亦有飼養一隻獵犬Homer招待顧客，如此可愛，想唔入舖頭睇嘢都唔得啦！
記者：許志勇