近54億嘅港珠澳大橋追加撥款日前喺剪布下獲通過，向來係fb呃like王嘅自由黨田北俊事後喺fb發佈席間追問運輸及房屋局副局長邱誠武嘅片，卻被網民批佢小罵大幫忙、冇投票噃！
田少當時質問大橋通車後能否駕駛至珠海，但邱誠武無正面回應，田少留言：「究竟係邊個求邊個？局長𠵱家教我問問題？不如坦坦白白答好過啦。」有網民認同官員表現不滯，「我只係覺得佢自己都唔明起嚟做乜」，又叫田少唔好逼人太甚：「人哋出份糧等收工㗎咋。」
但有網民質疑田少即使不滿工程交代不清，卻冇投票；有網民叫佢要做有良心建制派，田少見狀就話「所以我冇投票支持政府啦！」但身為自由黨主席鍾國斌投票支持喎，網民點會罷休？紛紛留言質問「點解唔投反對？」被狙擊嘅田少之後冇再回應咯。