利物浦上周二踢到互射12碼先入到英聯盃決賽，前晚英足盃第四圈主場對韋斯咸時，高路普收起佐敦軒達臣等主力，改派甘馬倫巴拿根等小將，加埋換咗成10個。雖然弱陣嘅紅軍仍有18次攻門，但都射唔破韋斯咸嘅大門，以0:0完場而要重賽，加埋要踢歐霸盃32強同英聯盃決賽，利物浦喺二月要踢九場，平均三日幾踢一場。另外，態沉嘅賓迪基呢場擔正繼續冇表現，連續九場冇波入，睇嚟佢都時日無多。