奧巴美揚前晚喺完場前13分鐘梅開二度，幫多蒙特喺德甲主場贏恩高斯達特2:0，不過佢點都唔夠隊友曉姆斯搶鏡。曉姆斯喺比賽戰至65分鐘喺離門30米回傳時騷腳法，點知大力過頭笠過門將路文貝基，好彩球證吹罰恩高斯達特前鋒拿斯卡奴侵犯佢在先而判呢個烏龍波無效，佢先至唔使咁尷尬咋！但係電視重播片段顯示係曉姆斯出腳後先被侵犯，佢真係好彩。