吳若希（Jinny）昨日在尖沙嘴出席《眼淚的秘密》新碟簽唱會，她在現場演繹新歌，並與粉絲一同玩遊戲兼送禮物。Jinny透露新碟銷情理想，已接近金唱片銷量，好想去旅行獎勵自己，她笑說：「原本係約埋同事一齊去東京，但未確定有冇假期。」Jinny又透露農曆年將返鄉下探親，她說：「諗住同細佬一齊返鄉下，主要派利是畀後輩，我哋鄉下出咗嚟做嘢就冇得𢭃利是，都有被爺爺嫲嫲催婚。」問到情人節怎樣過？她說：「我就約咗音樂監製去地質公園野餐，呢啲日子約邊個都唔安全，到時影到嗰個一定係監製。」採訪、攝影：張俊銘