中環在線:同Tesla創辦人合照財爺真係見過馬斯克 - 李華華

中環在線:同Tesla創辦人合照
財爺真係見過馬斯克 - 李華華

一切都要多謝創新及科技局局長楊偉雄,佢除咗令到全香港人知道口水可以為智能手機解鎖,大家最近亦都多咗一個自拍儲閃卡嘅理由,就係要證明「我見過,我真係見過!」
一向緊貼抽水潮流嘅財爺曾俊華當然玩埋一份,你話你真係見過Steve Jobs?Out喇。有「鐵甲奇俠」真人版之稱嘅Tesla創辦人馬斯克(Elon Musk)最近來港為公司宣傳兼出席研討會,財爺喺研討會遇上對方,喺最新網誌登咗兩人合照,唔只「我真係見過」,仲滿足埋一班有圖有真相嘅高登仔,多謝晒。