曼聯今季表現差，球迷茅頭直指領隊雲高爾。呢位64歲荷蘭名帥擔心自己同太太嘅安全受到威脅，聽講請咗保安喺佢位於柴郡嘅豪宅進行24小時巡邏兼全天候保護。但踏入2016年轉運，六場入六球嘅隊長朗尼就幫雲高爾講好說話，話球隊踢得差唔關領隊事，絕對係球員嘅責任。另外，紅魔上周五踢完英足盃後，喺周二就要打英超，不過門將迪基亞都偷到時間同佢個歌星女友去意大利威尼斯玩兩日。